(۲) قبل طلوع آفتا ب وقبل غروب کے وظائف
مسبعات عشر:
خاندان چشتی و قادری کے معمولات میں سے ہے۔ یہ وظیفہ خضر علیہ السلام نے حضرت امام تیمی رحمتہ اللہ علیہ کوتعلیم فرمایا اور تاکید فرمائی کہ صبح و شام پڑھا کریں، اس وظیفہ کا دقت قبل طلوع اور قبل غروب آفتاب ہے۔ بعض بزرگ بہ ترتیب قرآن پڑھتے تھے، اوربعض برعکس،لیکن مشائخ چشت نے یہ ترتیب اختیار کی ہے:۔
اول سورۃ فاتحہ سات بارپھر چاروں قل سات سات بار، اس طرح کہ پہلے معوذ تین پھر سورۂ اخلاص، پھر قُلْ يٰاَ يُّھَاالْكَافِرُوْن پھر اٰية الكرسی سات بار، اس کے بعد:۔
سُبْحَانَ اللّٰہِ وَالْحَمْدُ لِلّٰہِ وَلَا اِلٰہَ اِلَّا اللّٰہُ وَاللّٰہُ اَکْبَرُ وَلَا حَوْلَ وَلَا قُوَّۃَ اِلَّا بِاللّٰہِ الْعَلِیِّ الْعَظِیْم۔
پاک ہے اللہ اور سب تعریفیں اللہ ہی کے لیے ہیں، اور اللہ کے سوا کوئی معبود نہیں، اور اللہ بہت بڑا ہے، اور نہیں ہے طاقت اور نہ قوت مگر اللہ بزرگ وبرتر کی مدد سے۔
سات بار پڑھے، اورساتویں بار اتنا اور بڑھادے:۔
عَدَدَ مَا عَلِمَ اللّٰہُ وَزِنَۃَ مَا عَلِمَ اللّٰہُ وَمَلَأَ مَا عَلِمَ اللّٰہُ۔
اتنی تعداد جو اللہ جانتا ہے، اور اس وزن کے بقدر جو اللہ کے علم میں ہے، اور اس کے مقدار جو اللہ جانتا ہے۔
پھر سات بار یہ درود پڑھے:۔
اَللّٰھُمَّ صَلِّ عَلٰی سَیِّدِنَا مُحَمَّدٍ عَبْدِکَ وَنَبِیِّکَ وَ حَبِیْبِکَ وَرَسُوْلِکَ النَّبِیِّ الْاُمِّیِ وَعَلٰی اٰلِہٖ وَبَارِکْ وَسَلِّمْ۔
یار رب! درود نازل فرما ہمارے آقا محمد پر جو تیرے بندے اور تیرے نبی اور تیرے حبیب اور تیرے رسول امٗی ہیں اور ان کی آل پر اور برکتیں نازل فرما اور سلام۔
اور پھر سات بار یہ دعا پڑھے:۔
اَللّٰھُمَّ اغْفِرْ لِیْ وَلِوَالِدَیَّ وَلِمَنْ تَوَالَدَ وَارْحَمْھُمَا کَمَارَبَّیَانِیْ صَغِیْراً اَللّٰھُمَّ لِجَمِیْعِ الْمُؤْمِنِیْنَ وَ الْمُؤْمِنَاتِ وَالْمُسْلِمِیْنَ وَ الْمُسْلِمَاتِ اَلْاحْیَاءِ مِنْھُمْ وَالْاِمْوَاتِ بِرَحْمَتِکَ یَااَرْحَمَ الرَّاحِمِیْن
یار رب! میری مغفرت فرما اور میرے والدین کی، اور جو مجھ سے پیدا ہوا، اور میرے والدین پر رحم فرما، جیسا کہ انھوں نے بچپن میں پالا، یا رب مغفرت کر تمام مؤمنین اور مؤمنات اور مسلمین ومسلمات کی زندوں کی ان میں سے اور مردوں کی اپنی رحمت سے اے سب رحم والوں سے زیادہ رحم فرمانے والے۔
اور اس کے بعد سات بار یہ دعا پڑھے:۔
اَللّٰھُمَّ یَا رَبِّ افْعَلْ بِیْ وَبِھِمْ عَاجِلاً وّ اٰجِلاً فِی الدِّیْنِ وَالدُّنْیَا وَالْاٰخِرَۃِ مَا اَنْتَ لَہٗ اَھْلٌ وَّلَا تَفْعَلْ بِنَا یَا مَوْلَانَا مَا نَحْنُ لَہٗ اَھْلٌ اِنَّکَ غَفُوْرٌ حَلِیْمٌ کَرِیْمٌ بَرٌّ رَّءُوْفٌ رَّحِیْمٌ
یا اللہ! یارب! کر میرے ساتھ اور ان سب کے ساتھ جلد آنے والے اور بدیر آنے والے وقت میں دین اور دنیا میں اور آخرت میں وہ کرم جو تیری شان کے لائق ہے، اور نہ کر ہمارے ساتھ اے ہمارے مالک وہ معاملہ جس کے ہم سزاوار ہیں، بیشک تو بخشنے والا رحم فرمانے والا کثیر العطایا صاحبِ کرم واحسان صاحبرأفت ورحمت ہے۔
اس کے بعد اکیس بار یَا جَبَّارُ پڑھے۔
حضرت غوث العالم کے پیرومرشد رحمتہ اللہ علیہ مسبعات عشراورذکر جلی تعلیم فرماتے تھے
For Contact Us
Go to Contact Page
or
Mail:contact@makhdoomashraf.com
Cal:+91-9415721972